Sendibítr.
Jórunn skáldmær.

1.
Bragningr réð í blóði,
beið herr konungs reiði,
[hús lutu] oft [fyr eisum]
óþjóðar slög rjóða.

2.
Haralds frák Halfdan spyrja
herðibrögð, en lögðis
sýnisk svartleitr reyni
sjá bragr, ins hárfagra.

3.
Því at ríkr konungr rekka,
reyr undlagar dreyra
morðs þár merkja þorðu
magnendr, bjósk at fegna.

4.
Hvar vitu einka örvir
örveðrs frama görvan
tinglrýröndum tungla
tveir jöfrar vegmeira?
en geðharðir gerðu
gulls landrekar þollum
[upp angr of hófsk yngva]
óblinds fyr lof Sindra.

5.
Hróðr vann hringa stríðir
Haralds fram kveðinn ramman;
Gotþormr hlaut of gæti
góð laun kveðins óðar;
raunframra brá rimmu
runnr skjöldunga gunnar;
áðr bjósk herr til hjörva
hreggs döglinga tveggja.