En Runesang.
Skald ukjent.

1.
Fé veldr frænda rógi;
fœðisk úlfr í skógi.

2.
Úr er af illu járni;
oft hleypr hreinn á hjarni.

3.
Þurs veldr kvenna kvillu;
káttr verðr fár af illu.

4.
Óss er flestra ferða för,
en skalpr er sverða.

5.
Reið kveða hrossum versta;
Reginn sló sverðit bezta.

6.
Kaun er beygja barna;
böl gerir mann fölvan.

7.
Hagall er kaldastr korna;
Kristr skóp heim inn forna.

8.
Nauð gerir hneppa kosti;
nöktan kelr í frosti.

9.
Ís köllum brú breiða;
blindan þarf at leiða.

10.
Ár er gumna góði;
get ek at Örr var Fróði.

11.
Sól er landa ljómi;
lúti ek helgum dómi.

12.
Týr er einhendr Ása;
oft verðr smíðr at blása.

13.
Bjarkan er laufgrœnstr líma;
Loki bar flærðar tíma.

14.
Maðr er moldar auki;
mikill er greip á hauki.

15.
Lögr, er fellr ór fjalli; foss
en gull eru hnossir.

16.
Ýr er vetrgrœnstr viða;
vant, er brennr, at svíða.