Sigurðarkviða hin skamma

Sigurðarkviða hin skamma.
1 5	Ar var þatz Sigvrþr sotti Givca Volsvngr vngi, er vegit hafði; toc viþ trygðom tveggia broþra, seldvz eiþa elivnfrocnir.
2 5	Mey bvdo hánom oc meiþma fiolþ, Gvðrvno vngo Givca dottvr; drvcco oc domþo dogr mart saman Sigvrþr vngi oc synir Givca.
3 5	Vnnz þeir Brynhildar biþia foro, sva at þeim Sigvrþr reíþ i sinni Volsvngr vngi, oc vega kvnni; hann vm etti, ef hann eiga knetti.
4 5 9	Sigvrþr inn svðroni lagdi sverþ necqviþ, møki málfán a meþal þeirra, ne hann kono kyssa gerþi, ne hvnscr konvngr hefia ser at armi, mey frvmvnga fal hann megi Givca.
5 5	Hon ser at lifi la/st ne vissi oc at aldrlagi ecki grand, vamm þat er veri eþa vera hygði; gengo þess a milli grimmar vrþir.
6 5	Ein sat hon vti aptan dags, nam hon sva mart vm at melaz: «Hafa scal ec Sigvrþ, eþa þo svelta, ma/g frvmvngan mer a armi.
7 5	Orþ meltac nv, iþromc eptir þess: qvan er hans Gvðrvn, enn ec Gvnnars; liotar nornir scópo oss langa þrá.»
8 5 9	Opt gengr hon innan illz vm fylld, ísa oc iocla, aptan hvern, er þa/ Gvdrvn ganga a beþ oc hana Sigvrþr sveipr i ripti, konvngr inn hvnsci kván friá sina.
9	«Von geng ec vilia vers oc beggia, verþ ec mic gola af grimmom hvg.»
10 5	Nam af þeim heiptom hvetiaz at vígi: «Þv scalt, Gvnnarr! gerst vm lata mino landi oc mer sialfri; mvn ec vna aldri meþ a/þlingi.
11 5 9	Mvn ec aptr fara, þars ec aþan varc meþ nabornom niþiom minom; þar mvn ec sitia oc sofa lifi, nema þv Sigvrþ svelta látir oc iofvrr a/þrom oþri verþir.
12 5	Latom son fara feðr i sinni, scalat vlf ala vngan lengi; hveim verþr ha/lþa hefnd lettari siþan til sátta, at sonr lifi?»
13 5 7 11	† Reiþr varþ Gvnnarr oc hnipnaþi, sveip sinom hvg, sat vm allan dag; hann vissi þat vilgi gorla, hvat hanom veri vinna somst eþa hanom veri vinna bezt, allz sic Volsvng vissi firþan oc at Sigvrþ socnoþ mikinn.
14 3 7	Ymist hann hvgði iafnlanga stvnd: þat var eigi avar títt, at fra konvngdom qvanir gengi; nam hann ser Ha/gna heita at rvnom, þar atti hann allz fvlltrva.
15 5	«Eín er mer Brynhildr a/llom betri vm borin Bvdla, hon er bragr qvenna; fyrr scal ec mino fiorvi láta enn þeirrar meyiar meiþmom tyna.
16 5	Villdv ocr fylci til fiar vela? gott er at raþa Rínar malmi oc vnandi a/þi styra oc sitiandi selo nióta.»
17 5	Eino þvi Ha/gni annsvor veítti: «Samir eigi ocr slict at vinna, sverþi rofna svarna eiða, eiða svarna, vnnar trygdir.
18 5 9	Vitoma vid a moldo menn in selli, medan fiórir ver folci raþom oc sa inn húnsci herbaldr lifir, ne in motri mogð a moldo; ef ver fimm sono foþom lengi, áttomgóþa exla knettim.
19	Ec væit gorla, hvadan uegir standa: ero Brynhildar brek ofmicil.»
20 5	Gvnnarr qvaþ: «Við scolom Gvðthorm gorva at vigi, yngra brodor ofroþara; hann var fyr vtan eiþa svarna, eiða svarna, vnnar trygdir.»
21	Dolt var at eggia obilgiarnan, stoþ til hiarta hiorr Sigvrþi.
22 5	Reþ til hefnda hergiarn i sal oc eptir varp obilgiornom; flo til Gvdthorms Grams ramliga kynbirt iarn or konvngs hendi.
23 3	Hne hans vm dolgr til hlvta tveggia, hendr oc ha/fvþ hne a annan veg, enn fotalvtr fell aptr i stað.
24 5	Sofnoþ var Gvdrvn i seingo sorgala/s hia Sigvrþi; enn hon vacnadi uilia firþ, er hon Freýss vinar flá/t i dreyra.
25 5	Sva slo hon svarar sinar hendr, at rammhvgaþr reis vp viþ beþ: «Grataþv, Gvdrvn! sva grimliga, brvþr frvmvnga! þer broþr lifa.
26 5	A ec til vngan erfinytia, kannat hann firraz or fiandgarþi; þeir sér hafa svárt oc dátt enn ner nvmit nylig ráþ.
27 5	Riþra þeim siþan, þott sia/ alir, systorsonr slicr at þingi; ec veit gorla, hvi gegnir nv: ein veldr Brynhildr ollo bolvi.
28 5	Mer vnni mer fyr mann hvern, enn viþ Gvnnar grand ecci vanc; þyrmþa ec sifiom, svornom eiþom, siþr verac heitinn hans qvanar vinr.»
29 5	Kona varp a/ndo, en konvngr fiorvi, sva slo hon svárar sinar hendr, at qvaþo viþ calcar i rá oc gvllo viþ goss i tvni.
30 5	Hlo þa Brynhildr Bvðla dottir eino sinni af a/llom hvg, er hon til hvilo heyra knátti giallan grat Givca dottvr.
31 3 7	Hitt qvaþ þa Gvnnarr gramr ha/cstalda: «Hlera þv af þvi, heiptgiorn kona! gla/þ a gólfi, at þer góds viti. Hvi hafnar þv inom hvita lit, feicna feþir? hygg ec, at feíg ser.
32 5	Þv vorir þess verþvst qvenna, at fyr a/gom þer Atla hioggim, seir broþr þinom bloþvct sár, vndir dreyrgar knettir yfir binda.»
33 5	Brynhildr qvaþ: «Fryra maþr þer, Gvnnarr! hefir þv fvllvegit; lítt sézc Atli óvo þina; hann mvn yccar ond siþari oc e bera afl it meíra.
34 5	Segia mvn ec þer, Gvnnarr! sialfr veiztv gorla, hvé er yþr snemma til saka reþot; varþ ec til vng ne ofþrvngin fvllgodd fe a fleti broþor.
35 5	Ne ec vilda þat, at mic verr etti, aþr þer Givkvngar riþot at garði þrír a hestom þioþkonvngar; enn þeirra for þa/rfgi veri.
36 5 9	Oc mer Atli þat einni sagði, at hvarki lez ha/fnom deila, gvll ne iarþir, nema ec gefaz letac, oc engi lvt a/þins fiár, þa er mer ioþvngri eiga selldi oc mer ioþvngri a/ra talþi.
37 3 7	Þa var a hvorfon hvgr minn vm þat, hvart ec scylda uega eþa val fella ba/ll i brynio vm broþvr sa/c; þat mvndi þa þioþkvnt vera morgom manne at mvnar striþi.
38 5	Letom siga sátmal occor, lec mer meirr i mvn meiþmar þiggia, ba/ga ra/þa bvrar Sigmundar, ne ec annars mannz avra villdac.
39 5 9	Þeim hetomc þa þioþkonvngi, er meþ gvlli sat a Grana bogom; varat hann i a/go yþr vm licr, ne a engi lvt at alitom, þo þicciz er þioþkonvngar.
40 5	Vnna einom ne ymisom, bioat vm hverfan hvg mensca/gvl; allt mvn þat Atli eptir finna, er hann mina spyrr morþfor gorva.
41 5	Þeygi scal þvnngeð kona annarrar ver aldri leiþa; þa mvn a hefndom harma minna.»
42 5	Vp reis Gvnnarr gramr verþvngar oc vm hals kono hendr vm lagði; gengo allir oc þo ymsir af heilom hvg hana at letia.
43	Hratt af halsi hveim þar ser, leta mann sic letia langrar gongo.
44 3 7 11	Nam hann ser Ha/gna heita at rvnom: «Seggi vil ec alla i sal ganga þina meþ minom — nv er þa/rf micil —, vita, ef meini morþfor kono, vnz af meli enn mein komi; þa latom þvi þarfar raþa.»
45 5 9	Eino þvi Ha/gni andsvor veitti: «Letia maþr hana langrar gongo, þars hon aptrborin aldri verþi! hon kra/ng of komz fyr kne moþvr, hon e borin ovilia til, morgom manni at moþtrega.»
46	Hvarf ser ohroðvgr andspilli fra, þar er morc menia meiþmom deildi.
47 5	Leít hon vm alla eigo sina, soltnar þyiar oc salkonor; gvllbrynio smó, vara gott i hvg, aþr sic miþlaði mekis eggiom.
48	Hné við bollstri hon a annan veg oc hiorvndoþ hvgði at raþom:
49 5	«Nv scolo ganga þeir er gvll vili oc minna þvi at mer þiggia; ec gef hverri vm hroþit sigli, bók oc bleio, biartar vaþir.»
50 5	Þa/gðo allir, † hvgðo at raðom, oc allir senn annsvor veitto: Ernar soltnar, mvnom enn lifa, verþa salkonor somð at vinna.»
51 5	Vnnz af hyggiandi ha/rscrydd kona vng at aldri orþ viþr vm qvað: «Vilcat ec mann tra/þan ne torbonan vm óra sa/c aldri tyna.
52 5	Þo mvn a beinom brenna ydrom fori eyrir, þa er ér fram comiþ, neit Menio god, min at vitia.
53 5	Seztv niþr, Gvnnarr! mvn ec segia þer lifs orvena liosa brvþi; mvna ydvart far alt i svndæ, þott ec hafa ondo latiþ.
54 3	Sátt mvnoþ iþ Gvdrvn snemr, en þv hyggir, hefir kvnn kona vid konvng daprar miniar at da/þan ver.
55 3	Þar er mer borin, moþir foðir, sv mvn hvitari enn inn heiði dagr Svanhildr vera, solar geisla.
56 5 7	Gefa mvndv Gvðrvno godra noccorom sceyti sceþa scatna mengi; mvnaþ at vilia versel gefin, hana mvn Atli eiga ganga of borinn Bvdla, broþir minn.
57 5	Margs a ec minnaz, hve viþ mic foro, þa er mic sára svicna ha/fdot, vadin at vilia varc, meþan ec lifdac.
58 5 9	Mvntv Oddrvno eiga vilia, enn þic Atli mvn eigi lata; iþ mvnoþ lvta a lá/n saman, hon mvn þer vnna, sem ec scyldac, ef ocr goþ vm sca/p gerþi verþa.
59	Þic mvn Atli illo beita, mvndv i ongan ormgarþ lagiþr.
60 5 7	Þat mvn oc verþa þvigit lengra, at Atli mvn ondo tyna, selo sinni oc sona lifi, þviat hanom Gvðrvn grimm er a beð snorpom eggiom af sarom hvg.
61 5	Semri veri Gvðrvn systir occor frvmver sinom [at fylgia da/þom], ef henni gefi godra raþ, eþa etti hon hvg ossvm likan.
62 5	Oa/rt meli ec nv, enn hon eigi mvn of ora sa/c aldri tyna; hana mvno hefia havar baror til Ionacrs oþaltorfo.
63 5	[Ala mvn hon ser ioþ, erfiva/rþo,] erfiva/rþo Ionacrs sonom; mvn hon Svanhildi senda af landi, sina mey oc Sigvrþar.
64 5	Hana mvno bita Bicca ráþ, þviat Iormvnreccr oþarft lifir; þa er a/ll farin ett Sigvrþar, ero Gvdrvnar greti at fleiri.
65 5 9	Biþia mvn ec þic bonar einnar, sv mvn i heimi hinzt bon vera: lattv sva breiþa borg a uelli, at vndir oss ollom iafnrvmt se, þeim er svlto meþ Sigvrði.
66 5	Tialdi þar vm þa borg tioldom oc scioldom, valarift vel fáþ oc Vala mengi; brenni mer inn hvnsca a hliþ aðra.
67 5	Brenni enom hvnsca a hliþ adra mina þiona meniom ga/fga, tveir at ha/fðom oc tveir há/car; þa er a/llo scipt til iafnaðar.
68 5	Liggi occar enn i milli malmr hringvariþr, egghvast iárn, sva endr lagið, þa er viþ boði beð einn stigom oc hetom þa hiona nafni.
69 5	Hrynia hanom þa a hel þeygi hlvnnblic hallar hringi litcoþ, ef hanom fylgir ferð min heþan; þeygi mvn ór for a/mlig vera.
70 5	Þviat hanom fylgia fimm ambóttir, átta þionar eþlvm goðir, fostrman mitt oc faðerni, þat er Bvdli gaf barni síno.
71 5	Mart sagða ec, mvnda ec fleira, er mer meirr miotvþr malrvm gefi; omvn þverr, vndir svella, satt eitt sagðac, sva mvn ec lata.»